Текст
16.02.2026
«Өмірге салауатты қадам»
Щучинск қаласындағы Жоғары техникалық колледжде интернет-ресурстар арқылы синтетикалық есірткілердің таралуының алдын алуға арналған кураторлық сағат өтті
Кездесу барысында интернет қауіпсіздігі мәселелері, жастарды әлеуметтік желілер мен мессенджерлер арқылы есірткі заттарының заңсыз айналымына тарту тәсілдері, сондай-ақ мұндай әрекеттердің құқықтық салдары жан-жақты талқыланды.
Студенттердің өз денсаулығына саналы көзқарасын қалыптастыруға, жағымсыз ықпалға қарсы тұра білуге және жеке таңдау үшін жауапкершілікке ерекше назар аударылды.
Студенттер талқылауға белсенді қатысып, өз ойларын білдіріп, сұрақтар қойды.
Зиянды әдеттерге «жоқ» деп айтып, салауатты әрі табысты өмірге қадам жасайық!